مبدئيا كدا الراجل اللي هتلاقيه بيقولك بصي القمر اللي معدي دا أو أي جمال صحبتك أو اقفلي التليفون عشان أتفرج علي مين اللي بتغني شوفي هي حلوة أوي شوفي الجسم الخطير شوفي البنت القمر دي شوفي الشعر القمر شوفي تسريحتها شوفي جمالها، شوفي ماشيتها وكل واحدة معديه يقولك النظرة الأولي حلال بصباص الراجل دا بصباص وعينيه زايغه، عمره ما يحافظ عليكي وده أول واحد من أزاي تعرفي عيوب الرجالة.

إزاي تعرفي عيوب الرجالة مع ريناد حسن
أزاي تعرفي عيوب الرجالة مع ريناد حسن

أزاي تعرفي عيوب الرجالة

رقم أتنين الراجل اللي بيفتش طول الوقت في جيوبه طول الوقت ناسي المحفظة يا حبيبي أو مقبضش يا عيني أو ودا الفلوس لصاحبه عشان صاحبه كان عامل حادثه يا ليلي، أو الفلوس مش موجوده عشان نسيهم فالبيت أو فالعربية أو المحفظة ضاعت أو اتسرقت، كل ده عفوا دا الراجل النطع دا الراجل اللي هيتجوزك ويشغل حضرتك بعد الجواز عشان حضرتك تشقي وتتعبي عليه هو وعياله، خلصنا من الراجل النطع.

ندخل في الراجل البخيل اللي كل حاجه هيستكترها جدا وانتي بتطلبيها أو انتي بتقوليله أنا نفسي اشتري كذا فهيقولك ليه دا حرام أحنا هنصرف فلوسنا ع الفاضية والمليانه، طبعا غير أنه حضرتك بتدفعي الشيك اللي أنتو بتاكلي بيه يا إما كل واحد بيدفع الشيك بتاعه، الراجل ده بخيل علي نطع الراجل الحقيقي البخيل جدا جدا جدا بيبان علي هيئته قبل أي حاجه، يعني هتلاقيه مكرر البنطلون أكتر من مره القميص بيتلبس سبع تمن تسع مرات بحجه أن دي صناعة مصرية وأنا بشجع الصناعة المصرية، طول الوقت هيكون بيوفر لمواصلات والهدايا مش هتلاقيها خالص تكاد تكون منعدمه فالعلاقة، مثلا الورد ده شئ رومانسي وأنا مش راجل رومانسي، لا حضرتك هو ممكن يكون رومانسي بس هو بخيل خلي بالك.

ندخل بقا في الكبيره وهو الراجل الخاين خلينا نبقى متفقين علي حاجه هو فالحلال الشرع محللهم أربعه وفي المستخبي هما بيعملوا أي!!!، عايزاكي تبقي مركزه جدا جدا جدا الاختفاءات لوقت طويل عدم الردود علي المسدجات عدم الردود علي التليفون الحجج الكتير علي الفاضية والمليانه، لما تبقي خارجه معاه يقفل الموبايل أو يقلب الموبايل أو يعمله airplane mode أو يقولك أن الشبكة وقعت أو يقفل التيلفون ويقولك يا حبيبتي أنا عايز اقضي اكتر وقت معاكى، عشان وحشاني أوي خاين هو وبيقفل الفون عشان البنات التانيين ميكلمهوش وحضرتك متقفشهوش دي علامات ودلالات للراجل الخاين.

ندخل بقا ع الكبيرة ودي يمكن اكتر البنات بتقابل الراجل ده في حياتها اللي يقولك ماما قالت أننا لازم نعمل الفرح فالمكان الفولاني، ماما قالت أن لازم أروح اجيب مش عارفه أي ماما قالت أن أحنا هنتجوز في شهر 9، ماما قررت أن أحنا تشتري شبكه بـ 15000 جنيه بدل 20 ماما، عايزاني النهاردة مش هينفع نخرج ماما بتقول هنقضي شهر العسل في المكان الفولاني، هستأذن من ماما إننا نخرج النهاردة واشوف هتقول أي ماما ماما ماما، دا ابن ماما أو ابن بابا أو ابن خالو أو ابن عمو مفيش استقلاليه، يبقا دا الراجل اللي بعد الجواز هيكون في طرف آخر يشاركه، الرأي في حياتكم معروفه أهي واضحه.

ندخل بقا علي الراجل اللي بيخلع معلش أنا آسف أنا اتكلمت مع مامتي وبابايا وهما موافقوش علي الجوازة دي، معلش أنا آسف أنا اكتشفت أن انتي مستواكي الاجتماعي اعلي من مستوايا الاجتماعي بكتير وأنا اتجوزك انتي لواحدك ليه أو أخطبك انتي لواحدك ليه الشرع محللي أربعه، التليفونات أو الوقت الكتير اللي مبيتردش عليكي فيه لمدد طويله وأيام كتيره وساعات كتيره دا بيخلع، قرر أن هو يخلع من حضرتك وخلاص دي طريقه الراجل اللي بيخلع في خصال كتير أوي نعرفها بس كمان في خصلتين منيلين بنيله:-

  1. أول واحدة لما هنختلف ونتخانق مع بعض اللسان الطويل والغلط أو مد الايد دا يساوي الراجل ال no تربيه مفيش تربية خالص مشفهاش في حياته.
  2. والتاني الراجل العصبي اللي كل ما هتتكلمي معاه هيقولك بس متعليش صوتك عليا انا راجل وانتي ست بقولك أي مع السلامه، وفي حاجه كمان وهو الراجل اللي يعلي صوته عليكي اودام اهلك أو اودام صحابك أو حتي ما بينك وما بينو دا الراجل العصبي ميكس علي الراجل الغلاط اللي مبيعترفش بغلطه خالص، علي طول دايما هو صح عمره ما غلط، ميعرفش طريق الغلط أصلا دا الراجل اللي أول ما تشوفيه تجري.

يعني يا ريناد كلهم وحشين لا بالعكس في رجاله كتيره جدا محترمه وكويسه جدا حقيقي في منهم رجاله محترمه ومصلين في رجاله بتتقي أمها وأبوها فبكدا تعرفي أن هيتقي ربنا فيكي، في رجاله هاديه بطبعها في رجاله عارفه أقوي ما فيكي، ضعفك فميكسركيش، في راجل بيعرف يطبطب في راجل يستوعبك في راجل حنين ويعرف يطمنك.

في راجل قوي سواء في سلطه أو نفوذ أو مال فهو عنده أنتي أغلي حاجه في الدنيا في رجاله كتير حنينه في كتير والله بس اللي انا قولته من شويه ازاي تكتشفي وتعرفي العيوب أو الخصال في جميع الرجاله، سواء خاين فانتي عارفه أو بصباص انتي عارفه أو بتاع ماما انتي عارفه أو عينه زايغه فانتي عارفه.

وفي النهاية نتمنى أن يحظي المقال عن أزاي تعرفي عيوب الرجالة مع ريناد حسن في نقاط بسيطة علي إعجابكم من خلال موقع أخبار حصرية بما كُتب به من معلومات، ونتمنى أن يتم تفعيل إشعارات الموقع من أجل أن يصلكم جديد الأخبار الحصرية لحظة بلحظة وكن معنا في قلب الحدث، كما يمكن الاشتراك معنا في خدمة أخبار جوجل نيوز Google News، ويمكنكم التعليق علي المقال في حال وجود أي استفسارات وسنقوم بالرد عليكم متابعينا في أسرع وقت.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *