من خلال موقع أخبار حصرية سنوافيكم متابعينا بأبرز وأشهر أسئلة وإجابات تظلمات حاجزي شقق الإسكان بل وجميع الإجابات التي قدم تواجهك عند تقديم طلب تظلم، حيث أننا الآن بصدد تقديم طلب التظلم لبدء فع المستحقات الماليه لاستكمال بيانات الحاجزين بمشروع الإسكان الاجتماعي، إلي جانب أننا سنوافيكم برابط وخطوات التظلم وحالات الاستبعاد من إعلانات الإسكان الاجتماعي خلال هذا الموضوع أيضًا.
رابط وخطوات التظلم بالإسكان الاجتماعي
- في البداية ندخل علي الرابط الرسمي لتقديم طلب تظلم بعد أن يتم الاستعلام علي نتائج الفرز من خلال الدخول علي أسماء المقبولين الإسكان الاجتماعي بالرقم القومي، أيضًا يمكن الاستعلام عن موقفه من الإعلان المتقدم له، سواء كان بالقبول أو بالرفض، من خلال أرقام الخط الساخن وهي 1188 أو 5777 أو 5999 من أي تليفون محمول و090071117 من أي خط أرضي، أو يمكن إرسال رسالة نصية بالرقم القومي إلى رقم 1124، وانتظار الرد على بالموقف الحالي لطلبه والإجراء المطلوب منه، ثم الدخول علي تظلمات نتيجة الإسكان الاجتماعي.
- في حالة رفض الطلب أو الاستبعاد يمكن التظلم بالصندوق صندوق التمويل العقاري من خلال أرقام التليفونات نفسها.
- قم بإرسال البيانات الخاطئة بعد تعديلها وذكر سبب التظلم ثم الضغط على كلمة إرسال.
- الانتظار حتي يتم دراسة التظلم ومراجعة المستندات والبيانات المطلوبة.
حالات قبول تظلم شقق الإسكان الاجتماعي
يتاح للمتقدمين بعمل التظلمات في حال استيفاء أو استكمال المستندات أو التوقيع على الإقرار واستمارة الحجز في حال عدم التوقيع عليهما عند التقديم.
حالات رفض تظلم شقق الإسكان الاجتماعي
لا يتم قبول تظلمات المتقدمين غير المنطبق عليهم الشروط، بسبب السن أو أي من الحدين الأقصى أو الأدنى للدخل وقت التقديم، وفقا لشروط الإعلان المعلن عنها مسبقا.
حالات استبعاد الطلب
- عدم استكمال الأوراق المطلوبة للتقدم.
- إذا كان هناك اختلاف في الدخل الشهري عن المطلوب سواء الحد الأدنى أو الحد الأقصى.
- إذا كان هناك طلب الحصول على وحدة من الإسكان الاجتماعي، أو امتلاك شقة مسجلة باسم المتقدم أو زوجته.
أسئلة وإجابات تظلمات حاجزي شقق الإسكان الاجتماعي
هناك العديد من الأسئلة والاستفسارات ولعل أبرزها الآتي:-
س: ما سبب أن هناك البعض ظهرت له نتيجة مقبول وعند إرساله رقمه القومي لـ 1124 تصل له رسالة غير مسجل؟
- جـ: لأن التمويل العقاري قسم فائزين الكراسة الحمراء إلى مجموعات، ومعنى غير مسجل أن الملف لم يصل إلى شركة الاستعلامات بعد، ومن المقرر أن يتم استكمال تسجيل باقي المقبولين خلال الأسبوع الجاري.
س: ما أسباب رسوب البعض في الاستعلام الميداني؟
- جـ: واجه البعض مشكلة عدم القبول في الاستعلام الميداني وبعد وصول رسالة جاري مراجعة تقارير الاستعلام، وصلت رسالة أخرى تفيد برفض أو تعليق الطلب، ولمعرفة السبب يجب الاتصال على 1188 ومحاولة تصحيح الموقف والتعديل.
س: قدم البعض شهادة دخل تفيد بأن دخله 1000 جنية شهريًا، فما مدى صح ذلك؟
- اعتقد البعض أن تقديم ما يفيد أن دخله 1000 جنية شهرياً ميزة للحصول على مبلغ الدعم كامل، وفي الحقيقة أنه ميزة وعيب في نفس الوقت، بالنسبة لأصحاب السن الكبير الأكثر من 40 سنة فهو عيب لأنه سيضطرك لدفع مقدم كبير ففي هذه الحالة سيقتصر البنك مدة السداد إلى 15 أو 18 سنة، أما في حالة السن الصغير فهي ميزة للقيام بدفع قسط صغير شهرياً ومقدم صغير ولمدة سداد 20 سنة.
أسئلة وإجابات تظلمات حاجزي شقق الإسكان الاجتماعي
1- مرتب المتقدم لوحده أعلى من 2500 وترجع للائحه
نفهم من كدا الرفض بيجى نتيجه مرتب المتنفع أعلى من 25000 جنية او مرتب الاسرة اعلى من 3500 جنية حتى لو كان ربع جنية تخيلوا بقى .. ولكن …فى تعديل نزل ولم يعمل بيه حتى الان بالبنوك
2- مفيش غطاء تامينى كافى بمعنى ان حد يروح لمحاسب قانونى يكتب لمتنفع بالوحده انه شغال بمكان فلانى ونصاب ولا يكتب له سجل تجارى ولا رقم تامينى ..!!
3- فـ الورق المقدم من المتنفع مش متطابق مع بعضه بمعنى أزى حاصل ع مؤهل ومقدم ورق من محاسب انه شغال مستشار ..!!و مقدم ورق انه شغال بمكان بس مش جايب تأمين عليه ولا مسجل ببطاقه الشخصيه ..؟؟ الوظيفه دى ..!!
يعنىً الـ مفردات مضروبه من الاخر المحاسب القانونى نصب ع ناس وأدهم ورق مبلول ولطش 250 جينة
3 – الورق غير مستوفى (مفيش مفردات مرتب – مش كاتب أسم الزوجه والوصف لـ أسره)
فـ تعمل تعديل الاوراق بسرعه .
عليك الاتصال بـ خدمه العملاءوهيقولك أرسال الاوراق بـ الاميل وبتسحبهم أسكنر بصيغه (pdff) فى الموعد ال قالك عليه موظف خدمة العملاء زى ماقولنا فوق (الاميل وأرقام الخدمة )
4- البعض ساكنين فى عقارات ملك آو عنده ارض ملك آو بايع ارض لابنك والخيببه مسجل بالشهر العقارى آو بيدفع ضريبه عقارية آو عنده حيازه أطيان زراعيه .. أنسى..هنشرح دول بعدين
5- عندك قرض سابق أو فيزا مشتريات آو شهادة أستثمار لم تذكر بترفض فى الغالب حسب البنك وهنشرح دا تفصيلى لاحق ..!!
6-لوقالك موقوف ائتمانى …دا معناها أنك ممنوع التعامل مع البنوك فى مصر وتروح لبنك الامارات دبى وتعمل اى اسكور ب45 جنية يغير الموقف
المقبولين من الصندوق ورصدت اسماؤهم بالكشوف
عند التقديم فى البوسطه قالك أختار لو الوحده مجتش ليك
– سحب مقدم الحجز ..يعنى .. ( أسحب فلوسى فورا ً ومش عاوز شقه )
– مرحله ثانيه ..يعنى .. ( أنتظر معاك وأدينى مرحله ال بعد كدا وخلى الفلوس )
– صفر ..يعنى .. الموظف اللي بيسقط البيانات كبر دماغه والخيارين مفتوحين معاك عادى
وهنا نقول الاولويه الحقيقه فى الغربله دى وتصفيه حقيقيه فعلا ًوعصر لناس .!!
كان مقبول مبدئى ١٧ الف وانت بالكشف ١٦ الف هتقبل لان اللي قبلك ورقهم ناقص او مضروب ..!!
وهنا لازم تتحرك انت وتشوف طلبك ..!!لا تجلس تنتظر البنك يبعت لك رسائل . البنك والصندوق عليهم ضغط كبير.. هترسل رساله (برقمك القومى فقط) بالارقام 1166- 1124 انتبه.. ان امن يرى رسالتك ليس انسان بل (ربوت) حاسب الالى يحتاج رقم بطاقتك ويرد عليك برساله ثابته عنده وديما السيستم بمصر واقع نتيجة الضغط .
فـــ
– تأكد من رقمك القومى قبل الارسال
– احذر تكتب مسافه قبل الرقم القومى
– لا ترسل الاسم ورقم البطاقه معاً
خدمه العملاء لديه “صداع نصفي أغلب الوقت” فكن أنت في أعلى درجات التركيز معه وجهز تليفون المتنفع ورقم بطاقته وكن “حسن الخلق عذب الكلام ” معه وأذكر كل شى تعرفه اثناء النقاش، وانتبه الدقيقه بـ جنية.
لو وصلت اليك رساله من الاتى :
××××××
– الرقم غير مسجل او غير صحيح .. تعنى ..
(أنتظر شويه لان البيانات لم تسجل كامله بعد وتصبر شوية وتصل بخدمه العملاء تعرف فى أيه )
– رفض أو تعليق .. تعنى .. (تتصل بخدمة العملاء فوراً وتعرف أسباب الرفض )
– الرقم مقبول وجارى الاستعلام .. تعنى ..
( ورقك مستوفى وجايلك الاستعلام ف السكه )
– تم الاستعلام وجارى الدراسة تقارير.. تعنى .. ( ورقك 100% وهيحولك استعلام بنكى )
– تم قبول طلبك مبدائينا ً وسيتم تعامل مع احد البنوك ( يحولك ع قسم الائتمان اجرى ع البنك جرى )
– تحويلك طلبك للبنك لرداسة الائتمانيه .. تعنى .. (امممم هتستنى له ؟؟ روح اقعد معاهم وخلص لو عليك فيزا مشتريات او ديون )
بعض الشكاوى والاسئلة ونعمل ايه ؟؟
****************
س1 – واحد مسافر برا واهلوا آو زوجتة قدموا باسمه ؟
الاجابة : تكمل الاجراءات عادى وتدفع القسط ال40200 عادى لحد ما يجى الاستعلامات والقسط هيقعد شغال سنه ومحدش يجيب سيرة انك مسافر وتكون وفقت أوضاعك ورجعت تكمل أنت .لكن. مفيش توكيلات تنفع … لو عرفوا هيقولك دا مسافر اوربا هيحول بـ الشول فلوس زى الرز … ومش محدود دخل ..!!
س2- واحد مسافر وتأمينه متوقف ؟
الاجابة : بيضرب ورقه عند محاسب محترم انه صاحب اعمال و فاتح محل اويشوف محل يامن عليه ويمضى له بسجله التجارى ودا مصلحه لصاحب المحل هيقلل الضريبه عنده موظفين بيدفع مصارفيهم (مصلحه مشتركه ) وأدفع انت تامين
س3- معاش ورثه او ارمله ؟
الاجابة :اغلب البنوك بترفض لان المعاش محدد بمدة زمنية بزوال المتنفع لبلوغه لسن الرشد
س4- نقلت من الشغل او نقلت محل الاقامة اعمل ايه ؟؟
الاجابة :اسكت خالص لما يجى الاستعلام الميدنى وهيتصل عليك خدوا على حجرك وتراضيه فهموا بشويش كدا ال حصل.. لو لاقيته كويس معاك احكى له وانت وجدعنتك وسكرك فـ الشاى كام معلقه .. فى ناس اكلتوا هريسه ب200 ج
الان تغير البيانات يا لهووى موال كبير اووووووى وبهدله.. وتتصل بخدمه العملاء وترجع تبعت ليهم بالاميل … مش هتقبل اسف .. لان فى جاهزين اكتر منك
س5 – ساكن بمنزل عائله وهيجى بتاع الاستعلام ينفخنى يالهوى؟
الاجابة :لو (زوجه – الزوج) ساكن فى عقار الوالدين وثبت من فاتوره الكهرباء العقار بأسم الوالد او الوالده ودا هيكشفه البحث الميدانى حتى لو حليته بعسل نحل بتكشف لان المستعلم لازم يكتب اسم صاحب العقار اللي انت ساكن فيه حاليا ًوشقه اللي فوق منك و اللي تحت منك باسماء مين ..!!
حلها بقى وتأمن نفسك بيع العقار سورى من أبوك ع الورق لاخرين وعقد أيجار تجهزه مضروب لمستعلم وان الشقه الحاليه ايجار فعلى من أخرين وليس والدك
وغرق امه سكر ..وآسكت ..!!
س6- قسط السياره فيه مشكله ؟؟
على حسب البنك المحول له ورخمه امه ..!! لو فى اقساط كتير رفض .
س 7– فيزا مشتريات فيها مشكله ؟
الفيزا تعتبر دائنه .. رفض .. على حسب البنك المحول له
بنوك ميسرة .. يجوز .. بسداد المبالغ الدائنه كامله اولا ً
س8- شهادات الاستثمار البلاتنينه ؟
بعض البنوك مقبول حسبب السيستم المتعامل بيه داخلى
بعض البنوك رفض بحجه الجمع بين دخلين صافى الدخل المقدم + الشهادة
س9- تغير مفردات المرتب علشان ال اقل من 1000 مرفوض وال اكتر من 2500 مش محدود دخل ؟
لو دا كان سبب الرفض من الاول روح غيره واتصل على خدمه العملاء والاميل فوق ابعت بياناتك وحاول
لو انت مرتبك منخفض او عالى وعلشان الاقساط والمقدم ؟؟ اسكت دا موال كبير هتوصل له بالاخر لو تمت الاجرءات وهيطلبه البنك منك عند التعاقد بمفردات مرتب حديثه + ايصال كهرباء اخر شهر .
س10- دفع الاقساط لكراسه الزرقاء لحد أمتى محدش عبرنى ؟؟
سوال لطيف … هتدفع ال 40000 لحد ما البنك يرد عليك بالقبول او الرفض ايون البنك هيشغل الفلوس لحد ما تسحبها انت بالبطاقه وممكن بعد سنه تتحاسب مع البنك وهتكون دفعت 16 الف …!!
س11- فى ناس مش دفعت الا 5000 الالف فقط فى الاول ومدفعت ال 4000 واسمه سقط من السيستم ؟
الاجابة :هتكمل لانهم فتحوا التحويل بالقاهرة الجديدة والسلام والاعلان خلال ايام
س12- فى ناس اترفضت علشان المرتب الاسرة اكتر من 3500 او دخل الفرد اكتر من 2500 ؟
الاجابة : متزعلش مش تسحب الفلوس نازلين ليهم بوحدات 177 نوفمبر الجارى بس رفعين الدعم ال25000 وال انت اصلا مش هتخدوا علشان مرتبك كبير ..!
س13- مين اللي بيحاسب على القسط الشهرى ؟؟
المنتفع بالوحده والمقدم باسمه بمرتيه هو اللي بيحاسب يعنى ملوش دعوة بالطرف الاخر الزوج او زوجه ملوش دعوه بمرتبهم لانه ممكن ينفصلوا او وفاه احدهما هحسب من مرتبه ليه ؟؟ وبعض البنوك لو انت قطاع خاص مش شركة مساهمه او مرتبك ضعيف وزوجه شغاله بيطلب ضامن حكومى يحول الراتب على البنك ..!!
س14- لو مهن حرة او اعزب او قطاع خاص صغير ..؟؟
المهن الحره بطلب شهادة ادخاريه بقيمه 10000 الف لضمان دفع الاقساط الشهرية
او ضامن حكومى يحول مرتبه للبنك
بتعمل توكيل بالشهر العقارى للبنك لاداره الوحده وسحبها باى وقت ان لم تقم بسداد الاقساط بموعدها … بتمضى شيكات بالملبغ ….!!
س15- خط تلفون ال كتبته فى الاوراق فٌقد ؟؟
ترجعه باى طريقه اى استعلام بيتم عن طريقه حتى انت بتطلب خدمه العملاء بطلب الخط ورقم البطاقه !! الرسائل البنك بتوصلك عليه … من فضلك متقفلش الخط دا
س16- مطلقه وهتجوز ؟؟
لاسف هترفض لانه تغير فـ البيانات مفردات الاسرة لازم تتغير وممكن الزوج الحالى مرتبه اعلى ممن يستحق الدعم لازم تغيرى بياناتك بخدمة العملاء بالصندوق وقولنا الطريقه
س17- هو ممكن اجر الشقه دى من الباطن ولا ابيعها بعد 7 سنين ؟؟
الاجابة : ههههه اول ما تدخل البنك وتقعدى تفتح ملف وش كدا يقولك اعمل توكيل لبنك ف الشهر العقارى لتصرف بالوحده لو اخليت بالاتفاق المبرم بالعقد
وقانون الاسكان الجديد هيسحب الوحده رسمى وتسجن وغرامة ومفيش اكتر من حبايبك اللي هيبلغوا عنك لصندوق هههههه انسى
س18- الوحده هترفع تمنها علشان الغلاء ؟
لا هى زياده اصلا 26 الف واجمالى الوحده هيوصل بالاخر بعد المقدم والاقساط والفوائد الى 230000 لو السن كبير وراتب مرتفع
هنقول ثوابت نفهمها كويس
– المقدم عباره عن سن + مرتب
– السن لو كبير بيقسط 15 سنه
– السن الصغير بيقسط 20 سنه
– سنك كبير وداخل ع الاربعين ومرتبك صغير هتدفع مقدم ضخم
– سنك صغير ودخلك صغير هتدفع مقدم لعب عيال
– القسط 35% من الراتب لكل 1000 ياخد قسط 350 جندى
– فائدة متناقصة بنسبة 7% سنوياً بتنزل لو 1200جنيه دخلك الى 55 % سنوياًأسئلة وإجابات تظلمات حاجزي شقق الإسكان الاجتماعي
تنبيه ….!!
لانها بتختلف من بنك لاخر حسب سياسة الداخليه وقولنا لو مش عجبك تحول لبنك اخر عن طريق طلب لصندوق فيه الاسباب الوحده مع ناس بتوصل 230 الالف ومع ناس بتوصل 190 الاف مع ناس هتوصل 160 الف الان ثمن الوحده بالفؤائد والصيانة والدعم بيكون ع الوحده وليس فؤائد الوحدة لمدة 20 سنه لو سنك مش كبير
– لو سنك من 37 الى 42 وراتب من 1500- 1800 هتدفع مقدم 56 الف
– لو سنك من 42 الى 50 وراتب من 1800- 2500 هتدفع 67 الف
– لو سنك من 25 الى 30 وراتب من 1200 – 1500 هتدفع 40 الف
– لو سنك من 30 الى 36 وراتب من 1500 -2000 هتدفع 499 الف
س: ما سبب أن هناك البعض ظهرت له نتيجة مقبول وعند ارساله رقمه القومي لـ 1124 تصل له رسالة غير مسجل؟
جـ: لأن التمويل العقاري قسم فائزين الكراسة الحمراء إلى مجموعات، ومعنى غير مسجل أن الملف لم يصل إلى شركة الإستعلامات بعد، ومن المقرر أن يتم استكمال تسجيل باقي المقبولين خلال الأسبوع الجاري.
س: ما أسباب رسوب البعض في الإستعلام الميداني؟
جـ: واجه البعض مشكلة عدم القبول في الإستعلام الميداني وبعد وصول رسالة جاري مراجعة تقارير الإستعلام، وصلت رسالة أخرى تفيد برفض أو تعليق الطلب، ولمعرفة السبب يجب الإتصال على 1188 ومحاولة تصحيح الموقف والتعديل.
الاستعلام عن أسماء المقبولين في شقق الإسكان الاجتماعي
في البداية يتم فرز الأوراق واستبعاد غير المتطابق منها مع الشروط المعلنة، وتقوم وزارة الإسكان بإرسال بيانات المتقدمين إلى شركة الاستعلامات، لمراجعة صحة البيانات، ومنها يتم استبعاد أصحاب البيانات الخاطئة، ثم مراجعة بيانات المرتب مع جهة العمل ومراجعة جهة السكن، والتأكد من تطابق الدخل مع الحد الأدنى والأقصى للدخل، وعدم امتلاك المتقدم أو زوجته لشقة تمليك، حتي تأتي مرحلة إرسال شركة الاستعلامات بعد ذلك أسماء المقبولين إلى البنوك المشتركة في المبادرة مع وزارة الإسكان.
يستقبل المتقدم رسائل على التليفون المسجل بوقت وميعاد سداد القسط الأول، وما يليه من إجراءات تخصيص الشقة والتحويل للبنك وتحويل المرتب وحتى استلام الشقة وبدء دفع الأقساط الشهرية.
جميع المعلومات المطلوبة للتواصل مع صندوق التمويل العقاري
العنوان: 1شارع إسماعيل أباظة المتفرع من شارع القصر العيني القاهرة
تليفون : 27921442- 27921441- 27921440
فاكس: 27921423
البريد الإلكتروني : [email protected]
موقع الوزارة: http://www.moh.gov.egالصندوق بـ 15 مايوا بـ حلوان .. او .. 44-46 شارع الجيزة أمام مجلس الدولة – الدقى– خطوط ساخنه لـ صندوق التمويل العقارى (090071117) – (1188) – (5777) سعر الدقيقه جنية.
– فاكس 37484538 … تلفون 37483189) 023)
– للرسائل 1166 – 1124 سعر الرساله نص جنية
– الايميل الثابت لو عندك مشكله فى الاوراق ( [email protected])– جميع ايام الاسبوع ماعدا الجمعة من 9 صباحاً وحتى الخامسة مساءاً.
وفي حال الرغبة في الاستعلام عن أي أسئلة وإجابات تظلمات حاجزي شقق الإسكان الاجتماعي يمكنكم التواصل معنا عبر التعليقات وسنوافيكم بالرد في أسرع وقت.
التعليقات